Music1975 12 years ago [size=18]ارضيت بالخطا والى افداى افداك **** خطاك صار سامحتك احملت بلاك موجعه اوجيعه **** ودمعه على دمعه على تدميعه صاعب عليك اشراه ساهل بيعه **** الخاطر الى منك جفا بجفاك اروى بدمع لا ميعاد لا توديعه **** جرار ياس من ياسك ومن فرقاك ختام الحكايه فاجعه ومريعه **** لفراق الريح من ابكاى احذاك ما علينا صارت **** لوعة خطاك مع دباير حارت اهتزت معابد صبر فى انهارت **** تهاوت تهاوى حلم عاش معاك فيدك وفى ضلك ايام توارت **** وعاشن ايامى فى انتضار رجاك وكان الكفا منك بقول اختارت **** الاقسام تحرمنا ربيع غلاك ما علينا منه **** خطاك صار ما ضنى انتراجع عنه سامحت فى الى صار موش محنه **** هضا بيش تعرف انى نهواك ما علينا فضت **** لوعه وتابت بالدموع توضت بين النصيحه والاوهام انشضت **** انجوم غطاهن سواد سماك بيك احتمت م النار بيك تلضت **** نارك نصيبى من دفا دنياك وطوع النصيحه موش قولة غضت **** عينى الدمعه والنضر يخطاك بلاك حتى عمرها لو قضت **** بلاك ما ضنى اتموت بلاك[/size]
Music1975 12 years ago [size=18] لو كانك من ندّي = مانرد من ردت الباب انعدي انخبط برجلي كيف تبطل يدي = نين يشغلك مطراي وتحليلي كيف تفتحي عندي اسلوب تجدي =ضروري ان كانك مسلمة ترثيلي ونسيل ان سالتيني فيه انبدي = سريب سرد سهرايه سبب تسويلي نين للغلا يد ليمين اتمدي = وابها تعزقي احسنات في منديلي[/size]
[size=18] مازلت نا هو نا= حتى ان كنت داير صاحبه وضنا = شحات للغلا مازلت ما غتنيت = حتى ان كاني عاقل وباني بيت تقولّي سعيد نقولك ياريت =عايش امعيشه ما عليك ابها قولو الناس على سماحة صيت = ونا اتقول طيب الصيت قطع الوا تلاشى دلالي لوّلي وانسيت=اعزاز دنوهم للعقل كان دوا مازلت نا هو نا مازلت من وجداني = نعشق ونا عارف احدود مكاني واخذ نصيبي م الغرام الفاني =امغير شيمتي في غيّتي الوفا ومازلت متمسك بقو ايماني=وعارف الدنيا موش دار بقا وحتى انكان هو الزمان موش زماني =امسايرينه وادعا ايحد ادعا مازلت نا هو نا رغم اتعابي = ورغم الزمان اللي مضى شبابي مازال لي مكان بين اصحابي= نرتاح كان ساقني الهْم اخطا ومازلت داير ليبيا محرابي = وندعي الها في كل وان صلا ومازال رايي في الشباب ايجابي = حتى انكان فيهم تختلف لاراء ومازال يلمع من بعيد ركابي =من يومن اركوب الخيل بامزابا ما يهمني كان الجواد كبابي = واجدين غير يلهدوالا بعصا مازلت نا هو نا [/size]
Music1975 12 years ago [size=18]ما لقيت حد غير القلم نحكيله على ما طرالي من عيون كحيلة غير القلم نشده ونكتب على الورقة كلام نعده على منو خش العقل فيسع هده وربي عطاه الزين وافي كيله ومهما كتبت الشعر ما بيسده صعب شكلها عالوصف والتمثيلة ومازال بنجامل نزيد نمده من نسب متفاخر بيت وعيله ناس طيبة وعروقهم ممتدة من عهد محمد اصول أصيله ************************************************** غير القلم ياخوتي يطلع كلامي حبر موش بصوتي صابر عليها زمان طال سكوتي ومازال بنراجي سنين طويلة يا نفس فوزي بيها والا موتي بلاها عيشتي والله مستحيلة ************************************************** غير القلم واحساسي يهون عليا حال دونه قاسي والشعر ما يبريش غير يواسي يخفف على قلبي جروح عليلة[/size]
Music1975 12 years ago [size=18]... شوق مسايل ............. حواجب ومضحك والعيون دبايل عاجباتنى فى بنت فيهل اميام ............ سمحة كبيرة سود كى الضلام تخلى اللى عاقل يهيم هيام ........... على الطار تبقى دمعته تسايل على بنت كاسيها الغتيت عرام ................... جدايل جدايل مايحات جدايل والرمش مساطر تقول اسهام .................... نشلها امحارب فى نهار بلايل وحاجب كما تسطير خط اقلام .................... فوق مالورق اللى سماه وسايل ودرعان يضاون تقول ارخام .................... عراصى قديمة فى قصور جهايل اسمك على رسمك مع الهندام .................. يلجن عليك اخدود شمس قوايل فزتى على جيلك بالاحترام ....................... ودوده على درب الصلاح ولايل عشنا وشفنا من الناس اقوام ................... وناظرين ياما من انواع فسايل ماريت كيفك فى بانت اسلام ..................... ولا فى بنات الغرب ليك متايل مالك شبيهه فى العباد تمام ..................... ريتك حقيقة موش قولت قايل يخايل عليها من بعيد احزام ..................... مالقيتله توصيف غير الضايل وهلها عصاره من بيوت اكرام ................مشاهر من منسل اجواد اصايل بناية البيت اللى رفيع مقام .................... قدا وين ما ريم الجليب همايل اجاويد معرفين صيت ونام .................... طعامة الظايف كان جاهم جايل لا يخالطو قرقاض لا نمام ..................... ولا يعرفو مسلك سفيه وذايل حداهم يبات الجار ماينضام ................... مطمان مايشغل البال شغايل انكانه عطا قامة يقل اجمام ................... هيله بلا كليلة عليه ايعايل حلال يدفعو مهرك غير اغنام ................ 200 من خيرة كسوب حلايل و200 خف تقيل لم سنام ..................... نياق بيض غر امجبرات حجايل انتى بدع مولاى فيك الهام .................... خلانى بلا راده عليك انهايل تواصيف خلنى انقول كلام .................... نقضرعلى ودك بكل وسايل ومهما عليك انقول مانلتام .................... انريد ومانملك بليد وسايل كلام خطره شاعر قوى كلام ................. رفيع نسل ما يقبل عليك جمايل جاب شعرنوض فى الكنين الام .............. فتح فاهقى عقب معاى علايل بجاه من بعت مبعوت للاسلام ...............ابعت بالهدايه فى اختام رسايل وابجاه من عمد للبيت حج وصام .......... انا طالبك يا رب ليا عايل تفرج على عبدك اتصير اقسام ............. ويقسم غلا غالى عليه انحايل صلاتى على المختار فى ال
Music1975 12 years ago [size=18]امريف يالحنون انضمك~~~ نين اتقول اطلقنى كنك[/size]
Music1975 12 years ago [size=18]فاقد عقلي ناس غوالي ... اصحاب نزالي ... في الوطن اللي تم خالي فاقد عقلي ناس احباب ... عليهم في الخاطم نشاد عرب تلبس فضافي لنقاب ... طرابا موش اوجوة نكاد عرب لكانه صار اعطاب ... ايجو جملة من غير اعداد عرب جيش العادي متهاب ... ايلاقوة بسنق و زناد عرب تكسب فعوجة لرقاب ... اللي حمر وزرق و ترباد و اللهم مال اتقول ضباب ... ايبان علي العطنة رجاد عرب عيلهم ليه جواب ... انكان نطق عنده رداد عرب للضيف اتقول سحاب ... علي اتجود بمال اجواد عرب لكنها جنها اجداب ... الهم شيخ اصلالي ... معوف بنسبة جمالي[/size]
Music1975 12 years ago [size=18]تعبتني يا قلب من تتبيعك ... نلقاش من يشريك نبي انبيك[/size]
Music1975 12 years ago [size=18]خساره درتولي مشغول...بعد ماكنتو تردو طول[/size]
Music1975 12 years ago [size=18]فنجان قهوتك فيه التمست ابداع نكهة ونشوة كيف واستمتاع فنجان قهوتك والبسمة او خفة دم اللي ابها قسمة لوحة اتعبر عن حياة في رسمة الها ابعاد في المعني وكل اوضاع هواء له ارتاح القلب وانتي نسمة ابها مركبه يبحر بلا شراع حايا خلايا ميته في جسمة العاشق الي كيفي عتيق اوجاع فنجان قهوتك من كيفة غريب و صعب في تصنيفة ولا عبقري في الطهي يعمل كيفة حتي لو ادرب دهر ماستطاع ياللي الباري خالقك في صيفة نشيتي علي ثيقة و زين اطباع فنجان قهوتك واظروفي تلاقن علي او زاد منهن خوفي فوق من كواين داسها في جوفي لا تشتري م الغير لا تنباع حني علي يا مناي وروفي دوبين بينا ما زال فيه اقناع حتي انكاني تايب مثيل الصوفي ما زلت باللي خايلة ولاع فنجان قهوتك،،،،،،،،،،[/size]
Music1975 12 years ago [size=18] مازال عقلي يحوس في تياره *** عاشق حلف يبي يكمله مشواره
مازال عاشق ريده *** ومهما نهوه الناس قال أنريده في الحزن في الفرح وفي التنهيده *** مرافق غلاه في بوحته وأسراره
امشاركه في وقت الحياه السعيده *** امشاركه في لوعته وامراره
امشاركه في النوم والتهميده *** امشاركه في صحوته وأنظاره
امشاركه في الفرح والتنكيده *** ياخوي حتى الفكر نفس أفكاره
بــــــالله من ينسى غلاه وعيده *** بـــالله من يطفئ لهايب ناره
بـــــالله من يقدر ايقص وريده *** بـــالله من يقتل رفيقه وجاره
بــــالله من ينهي حياته بيده *** ومن هو اللي أشر بدون إشاره
موحال عقلي يهون حبه يحيده *** حتى ولو يقسى الزمن بقداره
لوعاندوا عقلي اعناده أيزيده *** أيزيده محبه ويمتلئ بأصراره
طريق المحبه هي طريق وحيده *** ماشي بها عقلي بدون خساره[/size]
Music1975 12 years ago