Music1975 11 years ago [size=18]موش كل حد لاموه لوم اوشاله........ولا ينقصد غير الشباااااب الخيره. لوكان الذكوره كلهم رجاله.............ماعد ادور عن نضاف السيره. واللى ينعرض فالسوق لدللاله......في الباكر خلاص اتصيرله تسعيره. والعيل ايتفتف من خصايل خاله.............وخيرة العرب بوه العطيب ايعيره. وتنجب الفارس ربت الضللاله.........وجود بوبرابخ من اساس جهيره. وكل حى ياجد فالحياه امثاله........وكل طير له طيره ويعرف طيره.[/size]
Music1975 11 years ago [size=18]زعلان مني .. نحسابك الاسامحت خيبت ظني قلبك علي مليــان واضـح انـك زعـــلان وتريد عـذر ساهـل النسيــان طريق الجفا ساهل علّي هـــــان وسهلت عليك تهون وتهوني نحسابك الا سامحت ف اللي كـان سبحان كيف قدرت ع التجني وقدرت تنسى في زمان زمـــــان وقدرت تبقى بالجفا متهني وقدرت تلقى صبر ع الهجــــران لا عاد تنشد لا يهمك كني نحسابك الأ سامحــت نحسابك الا حسيت اني انجرحــــت غلبني ابكاي وبالدموع شرحـت وبكيت بين يديك غصباً عنـي خسرني زمانك والعذاب اربحــت وزولك اني ننساك مامكنـي من حسبة ايام العمر ليش طرحت الذكرى الدمعه الحلم والتمـي وقدرت تقسى اقسيت ما سامت احضانك ملاهن صبر ما احضنني نحسابـك علي صـبرت وقبلت اعتذاري وين ما اعتـذرت بالمغفره ذنبي شملت غفـت بعفوك مسحت دموع ما خلنّـي نصبر بلاك وجيتك وخرت طاال انتظاري نسيتني نسّينــي زولك وذكريات ما اصورت ضباب نسيانك حجبهن عنـي حسيت اني ما عليك خطرت متعمد انك تاخذ زمانك منـي فداك لو ما ارضيت وفداك لو لا لمت لا عديــــــت نحاول اني ننساك كي ما انسيت وننسى محاسن فيك عمر خذني وننسى انك بالعيب في بديـــت ما نرد فيك اتعنـــي ونعد اني مامشيت وجيــت وياما ذرفت دموع نين عمنـي ليالي غيابك طولن وبطيت وجيتك ونا مشتاق لك متمنـــي رديت منك .. دمعتي كفيـت عنك بعد كفيت روحك عنـي[/size]
Music1975 11 years ago [size=18]مش عندك أعيون ...... أبكا لنظار يبقالك أديون حرام عليك مش عندك أعيون مش عندك أدموع ...... أوعندك قلب ما بين الضلوع حرام عليك تهجرني أسبوع ..... أونا من يوم تركبني أجنون دعيت عليك دعوة فالخشوع ..... الله يبليك كن تبي أتخون مش عندك ظلام ...... أوفيه أتريد تهنا فالمنام حرام عليك نا ليا أيام ..... واعي الليل ما غمضن أجفون أغيابك شين يا غالي أوحرام ..... أنهون عليك والا ما أنهون شن بنقول ما عندي كلام ..... الله يهديك وأتعاود حنون مش عندك ضميــــر ..... أوعندك عقل كن خنتك أيطيــــر حرام عليك نا حالي خطيــــر ..... وأنت ليش مش قادر أتصون كن مازال فيك أشوي خيــــر ..... تنسا الهجر وأحدايا أتكون مش عندك أحساس ..... أوعندك قلب كي باقي الناس أنت راك في قلبي الأساس ..... أمعايا ليش خيبت الظنون أنت راك للروحي أنفاس ..... أنت راك نوارة الكون عقلي ضاع من غيرك أوحاس ..... بلكي أترد وأتغير اللون[/size]
Music1975 11 years ago :hee: [size=18]اللي وادك بالعمر بيش توده ..... سؤال طارحه وبالله نبي رده[/size] :hee:
Music1975 11 years ago [size=18]راني عطيت سموح_من تو لا ساعة خروج الروح_سامحتها راني راني عطيت سموحي_وراني مسامح من حنايا روحي واصحي الغيري بالأسرار اتبوحي قولولها قالك جميل الروح وقولولها داويت كل جروحي... ما انكمله عمري اسير جروح يا نعيش ديمه عاليات اصروحي يا نكون جثة مالغلا مذبوح[/size]
Music1975 11 years ago [size=18]ياقاسمة ليلك وماجبتيهم ..... بالك ايسدك م الهذيل عليهم يامنهــــــــــــــــــــاره ..... عليهم بغيظ ودمعتك ذرداره م القل ولاقسام وم الزمان تواره .... غلاهم اللي ياما اشرهتي بيهم وياما شقيتينا امعاك سماره ..... في اول الحديث واخره تطريهم ماحاسبة برمة اللي دواره ...... تلاطش دناهم نين ماتلقيهم ويغالوا الغير ويسبحوا تياره ..... وانتي ينفضوا منك بغيظ ايديهم واتحيري ونبقوا صايفين حياره ..... امعاك عد ومانك مابيه تنسيهم وكان تتبعي في النصح م الدباره ..... مثيل من اعدم في عيدنا عديهم الدامي اللي ونس عفا موكاره ..... مع سطوة اللي ربنا خازيهم ******* حتى ان زايدة خونة اعزاز مرارة .....اغير اقنعي صفحة اكتاب اطويهم عديهم اسياد الطوق والخواره ..... اللي ارحلوا م الدنيا اغبي واريهم بناية البيت اللي وسيع داره ..... وفزعة اللي منظام وين يجيهم نزالة اللي جادت عليه امطاره ..... بصفوة انياهم ربنا عاطيهم[/size]
Music1975 11 years ago [size=18]مكاني نا ... كي ياخذة هللي جديد لفـا عليك هاينـة كبـدي *** هذا زمان مكاني ... وهذا اللي باني عليه أماني بعد غيبتي نا حاسبك ترجاني ... ولا ياخذك مني سريب غلا شهادة قلبته يا عزيز كياني ... وضرّيتني وقلبك عليّ قسا ويش غيّرك صاير أمعاي اناني؟ ... وغيري دخل داري سكن بها كي أنسيتني وأمنين ليك تنساني؟ ... وما حسبت في زولك أيخيب رجا يا خيبتي يا ناس في حبّاني .... ويا لوعـتي م اللي معاي جرا عزيز باعـني هشّم عـمد بنياني .... كي ابراج سبتمبر اليوم هبا *** مكاني وحقــي ... قدري تواطـى وفي الجديد أترقــّي من سيّتك لو كان حالي أتحقي ... وحق النبي تقضي العمر أبكا حالي صعيب ان كانك تـتّقـي ... وعـندك أعـزوم أمـوَثـقات أقوا من عين تذرف في التراب أتسقّي ... ودارت سواقي شاقـّة الوطا وياما الخاطر من الحياة متلقـّي ... تكسر الصاري بعاصفة هوجا والبخت مايل ما أيفيد أتنقـّي ... بشدة أعزومي وزاد بـي الدّا خطاك جمر صاهدني الله أيوقـّي ... غـيري وما فيا أيفــيد عزا[/size]
Music1975 11 years ago